لك الحمدُ إني حزينٌ حزين
وجرحي يلوّن درب المدى

ولولا الهدى ، ربنا واليقين
لضاعت زهور الجراح سدى !

جراحي و ماذا تكون الجراح ؟
أليست جراحي هدايا القدر ؟

اذا ما ارتضيت يطير الجناح
يكحّل بالنور عين القمر

لك الحمدُ في الليل حتى الصباح
لك الحمدُ في الصبح حتى السحر

جراحي و مالي جراحٌ سواه
ذنوبي فكيف أُداوي الذنوب ؟

،

يا ألله !

رحمة من ربي يخلينا نمر في ابتلاءات
ربي يحبنا ، مايبينا نضيع و ننساه
و ننسى التوكل عليه و الاعتماد عليه في كل أمورنا
ربي يحبنا ، إذا كنا بعيدين عنه يرسل لنا رسائل ربانية تنبهنا
تخلينا  ندعيه
و نتقرب منه
و نرجع له ..
تخلينا نبحث عن سبب الابتلاء
و نستغفر ربنا
و نستيقظ من السبات :”

،

ربِّ لك الحمد حتى ترضى
ولك الحمد إذا رضيت
و لك الحمد بعد الرضى
و لك الحمد على كل حال ()

.

السلام عليكم ورحمة الله و بركاته

يحكي الجد لأبناءه فيقول :

أما بعد يا أبنائي ، فسأحكي لكم قصة كفاح حصلت لطالبات يسكنون في بقعة من بقاع الأرض < ماعرفت شتقول :p

كان يا ماكان
في قديم الزمان

كان هناك فتيات رشيقات حبوبات مجتهدات جميلات أحسن ناس بالدنيا قدّر الله عليهم و أخذو صيفي لمادة دسمة أدسم شيء بالحياة
ليش ؟

عشان مايبتلشون فيها في سنة 3 و يفتكون منها من الحين !

إلى الحين حلو ؟
حلو ث2

الفريق الجميل هذا عبارة عن 6 بنات فقط
<< كانوا حاذفين المادة الترم اللي فات و قرروا ياخذونها صيفي ..

المهم
تفاجئوا هؤلاء الفتيات من أول يوم لهم بالصيفي أن الدكتورة تعبانة و مالها خلق و مسكينة و …. الخ
و أول محاضرة عطتهم إياها بالمكتب
مووو مشكلة ، لا يوجد اعتراض حتى الآن و كل شيء جميل !

فاصل : بغير الأسلوب القصصي ×_×

المهم أن أختنا في الله دكتورتنا حامل و بالشهر التاسع
و تبي تخلّص المنهج ويانا
و بدأت حملة التكثيف الأسبوع الماضي ص1

اللي ياخذونه الأوادم بشهر خذناه بـ 3 أيام أبشركم (:

طبعا احنا مستانسين ع الوضع ، يعني مين يصدق هالمادة الثقيلة ممكن نخلصها في أقل من 3 أسابيع !
أنواع الحمااس
فـ قررنا نكافح وياها و نضغط على عمرنا و نخلص بسرعة عشان هي تولد وترتاح و احنا بعد نرتاح ،

جاء يوم الأربعاء ( ملاحظة : ماعندنا دوام الأربعاء لكن جينا عشانها )

المهم جايين كلنا من 9 و أنواع النقاشات الحارة في البحث و مجهزين الواجب و كاشخين
< و الأخت في الله الدكتورة نايمة على سريها !

عااااااادي !

دقينا عليها أكثر من مرة بالموت الأخت قامت من النوم و جات بتكسي ،!
وصلت تقريبا 10 ونص < اللهم طولج ياروح !

كسرت خاطرنا بس قلنا فايتنق .. < أتخيل نقول فايتنق ذذ
المهم راحت تشرب قهوة عشان تصحصح على قولتها ، و بعدين جات بتشرح لنا وشبكت اللابتوب و بدأت بتشرح و ( ولدها بيدها )

Oo

عفوًا حبيبتي نبي نفهم ص2
< ولدها بس يصيح .. 24 ساعة يصيح ، تطقه تهاوشه تصرخ عليه
يصيح

لااااااع
المهم حاولنا نمسك نفسنا
وبالنسبة لي مدري شلون مسكت نفسي 3 ساعات ماصرخت عليه ولا صيحت وياه ث2
< لأن لو لينا أختي سوت ربع اللي سواه باخذها بأقرب جدار < يعني هذا أقل شيء أسويه فيها

المهم مشّينا و مشّينااا و احنا نبتسم ونجامل ..

المشكلة هي تنرفز زيادة تشرح معاج و تركزين و كذا و تتعمق
و فجأة تصرخ : أخرررص  :@
< يمه

بزر نتفة تصرخ عليه صراخ أحنا نخاف منه ..

فاصل :
اكتشفت أن هالدكتورة مكافحة ماشاء الله عليها !
طبعا مع السوالف قالت لنا أن كل أهلها و عيالها راحوا مصر وبقت هي مع هالولد الصغير
و تقول بعد أنه ماينزل عن كتفها و أنها تعاني وياه < طبعا مايحتاج تقول لنا لأن شفنا بعيننا ص2

المهم ما أتخيل وحدة حامل و تشيل ولدها 24 ساعة
< تقول تطبخ وهي شايلته ، تنظف تكنس ترتب كل شيء و هي شايلته ، تدخل الحمام و هي شايلته < ص2

احنا المرة عندنا بس توصل الشهر الخامس تعلن حالة الطوارئ و ماتسوي شي :s

،

عدنا
أحسن شيء أن لما قلت لها دكتورة مافي أمل نخلص في أسبوعين مستحيل

قالت لاتخافين بس بعطيكم المنهج في اسبوعين ،
وبالنسبة للبحث بعد الولادة راح تضطرون تجوني يوم بالمستشفى و يوم بالبيت و هكذا
< هق أتخيل رايحين المستشفى بملازمنا لس4

طبعا وافقنا و خلاص ، و من يوم الخميس و أنا أشتغل على هالمحاضرة و البحث و أنواع الاجتهاد
< تف تف لا إله إلا الله ، الله يزيدني لين آخر يوم بالاختبار ,

إي صح فيه شيء مهم بعد يدعوا للشفقة ، الجامعة مافيها كافتيريا =_=
< يستهبلوووووون !
مدري يحسبونا تحولنا إلى مخلوقات ماتاكل ، أو تقدر تعيش بدون أكل ؟!
أو يحسبوننا من الزهاد العباد الصيام 24 ساعة !
مدري يعني ><

صايرين كل يوم وحدة تجيب مؤونة للبنات ( ماي و لوزين من البقالة )
< عزوبية

الجدير بالذكر أني أول مرة أحب مركز و أتحمس له من قلب
و شكلي مارح أكمل فيه =”"”"

الله يصلح الحال بس و تولد على خير و تستانس علينا وتعطينا كلنا A+ ()

.

أحم ..
أهلا فيكم

السلام عليكم ورحمة الله وبركاته يا معشر القوم
< ” بالعامي لأنها أقرب لنفسي “

هذا الشيء بيكون موطني الصغير اللي راح أعسكر فيه بإذن الله ..^^

و من الحين اقول لكم تراني مب راعية فصحى ولا شعر ولا حزن
ولا خواطر ولا حركات نص كم

<<قولي حلفي ؟  ذذ

المهم أنو هذا المكان عشان آخذ فيه راحتي ..
بدون أي خطوط حمراء لا أستطيع تجاوزها ، أو أقنعة لابد أن أرتديها .. !
< فجأتن فصيح ث2
إيه و شكرًا (:

شكرًا نوفتي على هذه المساحة ()

.